Fáilte chuig www.greasain.ie!

Tá An tOireachtas tiomanta do bhunú agus bhuanú ghréasáin úsáidte Gaeilge. Ar an suíomh seo, gheobhaidh tú go leor eolais maidir le gréasain Ghaeilge atá ag feidhmiú timpeall na tíre le liosta agus naisc d’ionaid ina bhfuil an Ghaeilge in úsáid chomh maith. Tá moltaí á mbailiú againn ó dhaoine in earnáil na Gaeilge maidir leis an dóigh is fearr gréasáin a thógáil, a fhás agus a fhorbairt. Beidh físeán á roinnt againn uair sa mhí agus is féidir muid a leanúint ar na meáin shóisialta chomh maith.

An mbeadh suim agat gréasán a bhunú tú féin? Gheobhaidh tú eolas anseo freisin maidir leis na céimeanna a bhaineann le gréasán trí Ghaeilge a chur ar bun agus úsáid na Gaeilge a chur cinn dá bharr. Beidh taighde leanúnach ar bun againn maidir leis na gréasáin Ghaeilge atá beo agus cuirfear leis an mbunachar sin ar bhonn leanúnach. Cuir aon eolas chugainn, mar sin, maidir leis na gréasáin lena bhfuil tú páirteach agus cuirfidh muid na sonraí sin lenár mbunachar.

Ba mhaith linn obair leatsa. Má tá baint agat le grúpa pobail Gaeilge agus suim agat plean straitéiseach a fhorbairt chun do ghrúpa a stiúradh agus staid na Gaeilge i do phobal féin a fheabhsú, déan teagmháil linn. Cabhróidh muid leat leis an bpróiseas taighde agus le forbairt an phlean trí shainchomhairle ar an bpleanáil teanga a chur ar fáil. Déan teagmháil lenár nOifigeach Gréasán chun tuilleadh eolais a fháil: ursula.nishionnain@antoireachtas.ie.